"Оптима Банк" ААКнын акционерлери кардарларга ислам мыйзамдарынын принциптерине туура келген банк продуктуларын колдонууга мүмкүндүк берүүчү "ислам терезесин" ачууну чечти.

Бул чечимдин алкагында банк өткөн жылдардагы бөлүштүрүлбөгөн пайдадан алынган, пайыздык эмес кирешелерден түшкөн каражаттарды исламдык финансылык продуктыларды ишке киргизүү үчүн колдонот.

Кошумчалай кетсек, акционерлердин жыйынында "Оптима Банк" ААКнын Шариат кеңешинин жаңы курамы шайланды. Булар Кадыр Маликов, Айдар Жантурин жана Жыргалбек Ишеналы уулу (Шариат кеңешинин көз карандысыз мүчөсү).

Шайланган мүчөлөрдүн ыйгарым укуктары 2024-жылдын 19-ноябрынан баштап беш жылга чейин жарактуу болот.