Билим берүү жана илим министрлиги жаштардын ишкердүүлүгүн өнүктүрүүгө дем берүү жана бизнес-идеяларды андан ары илгерилетүү максатында жогорку окуу жайларында стартап-долбоорлорго сынак жарыялайт. Бул тууралуу министрликтен билдиришти. 

Стартап-долбоорлор төмөнкү тематикалык багыттар боюнча тандалып алынат:

• маалыматтык / санариптик технологиялар;
• медицина жана саламаттыкты сактоо технологиялары;
• жаңы материалдар жана химиялык технологиялар;
• интеллектуалдык өндүрүш технологиялары;
• биотехнология;
• ресурстарды үнөмдөөчү энергетика;
• агрардык технологиялар;
• жашыл экономика;
• чыгармачыл тармактар;
• тейлөө тармагы.

Документтердин топтому startupkg1@gmail.com электрондук жана кагаз түрүндө кабыл алынат. Кошумча маалыматты 0708 888 063 номуру аркылуу алууга болот.

Документтер 2024-жылдын 10-майынан 10-августуна чейин кабыл алынат.