Бишкек шаарынын прокуратурасы “Бишкек жарык” муниципалдык ишканасында бухгалтердик эсеп боюнча текшерүү жүргүзүп, анда бир топ мыйзам бузууларды аныктады. Бул тууралуу Башкы прокуратуранын басма сөз кызматы билдирди.

Алсак, прокуратура 2022-жылдын октябрынан 2023-жылдын апрелине чейин “Бишкек жарык” ЖЧКсынын кызматкерлери ишкананын кампасынан продукцияларды даярдоо жана аларды тышкы жарыктандыруу тармактарына орнотуу үчүн инвентарлык каражаттарды үзгүлтүксүз алып туруу менен алынган баалуулуктарды 4 млн 323 миң 450 сом ысырап кылганын аныктады.

“Бишкек жарык” ЖКнын кызмат адамдарына карата “Кызматтык абалынан кыянаттык менен пайдалануу” жана “Ишенип берилген мүлктү ыйгарып алуу же коротуу” беренелери боюнча кылмыш иши козголду”, - деп айтылат маалыматта. Учурда тергөө иштери жүрүп жатат.