2024-жылдын 19-20-июнунда Бишкекте “MINEX Борбор Азия” аттуу тоо-кен-геологиялык форуму өтөт.

Форумдун темасы “Борбор Азиядагы тоо-кен металлургия тармагын туруктуу өнүктүрүүнүн келечеги жана сценарийлери”.

Иш-чаранын алкагында Кыргызстандын жетекчилиги министрлер жана бизнес делегациялары менен эки тараптуу жолугушууларды өткөрөт. Андан соң форумдун катышуучулары үчүн Кыргызстандын алдыңкы тоо-кен ишканаларына экскурсиялар уюштурулат.

Белгилеп кетсек, “MINEX Борбор Азия” форуму жыл сайын Борбор Азия өлкөлөрүнүн биринде өткөрүлөт. Ал Борбор Азиянын минералдык ресурстарын туруктуу өнүктүрүү жаатындагы аймактар ​​аралык жана эл аралык кызматташтыкты бекемдөөгө, климаттык бейтараптык жана социалдык-экономикалык өсүшкө багытталган.