14-майда Ташкентте куралдуу кагылыш болгон аймактардан кайтып келгендерди реабилитациялоо жана реинтеграциялоо боюнча Борбор Азиядагы Регионалдык эксперттик кеңештин биринчи жыйыны өтөт. Бул тууралуу Өзбекстандын Тышкы иштер министрлиги билдирди.

Ташкенттеги Регионалдык эксперттик кеңештин биринчи жыйынына Борбор Азия мамлекеттеринин, эл аралык уюмдардын – БУУнун жана ЕККУнун жогорку деңгээлдеги өкүлдөрү, ошондой эле конфликт зоналарынан кайтып келгендерди реабилитациялоо жана реинтеграциялоо тармагындагы адистер, анын ичинде кылмыштуу аракеттерди жасаган деп шектелген адамдарды жоопко тартуу маселелери боюнча иштеген адистер катышат.