Жайыл районуна караштуу Кара-Балта шаарында “Стандарт Фарм Групп” ЖЧКсы дары-дармектерди чыгаруучу фармацевтикалык завод курат. Бул тууралуу президенттин аталган облустагы өкүлчүлүгү билдирди.

Белгиленгендей, долбоорго 41,2 млн доллар инвестиция салуу пландалууда.

"Завод шаардын өнөр жай потенциалын өнүктүрүүдөгү маанилүү кадам болуп саналат", - деп айтылат маалыматта.

“Стандарт Фарм Групп” ЖЧКсы сапаттуу медициналык препараттарды чыгарууга чоң салым кошуп, 300гө жакын жаңы жумуш орундарын түзөрү күтүлүүдө.