Кыргызстанда курулуш материалдары жылдан-жылга кымбаттоодо. Улуттук банктын маалыматына ылайык, 2024-жылдын январь айында курулуш материалдарынын баа индекси 2023-жылга салыштырмалуу 9,8%га өскөн.

Негизинен кирпичтин, цементтин жана шифердин өздүк наркы жогорулады. Кыргызстанга бул материалдардын бир бөлүгү ар кайсы өлкөдөн алынып келинет.

Маселен, 2023-жылы январь-март айларында Орусиядан Кыргызстанга 2,7 млн сомго кирпич алынып келинсе, быйыл үч айда республика бул курулуш материалын Орусиядан 13,9 млн сомго сатып алган. Жалпысынан 2024-жылы үч айда өлкөгө 33,3 млн сомго кирпич алынып келинген, бул 2023-жылга салыштырмалуу 19,9%га аз. Импорттун кыскарышы Кытайдан келген жеткирүүлөрдүн азайышына байланыштуу.

2024-жылдын үч айында Кыргызстан 192 млн сомго цемент импорттогон. Цемент негизинен Казакстандан алынып келинип, былтыркыга салыштырмалуу бир тоннасынын өздүк наркы 1000 сомго арзандаган. Нарктык мааниде алганда, Өзбекстандан цемент импортунун 5,4 эсеге азайышынан жана баанын төмөндөшүнөн улам көлөм 6,6%га кыскарган.

Өз кезегинде Кыргызстан импорттук жыгачтын көлөмүн 32% (нарктык мааниде) кыскарткан. Ал эми сырттан келген жыгач курулуш материалдарынын баасы былтыркыдай эле 1 млрд сомдон ашты. Физикалык мааниде импорттолуучу курулуш материалдарынын кубаттуулугу байкаларлык кыскарган. Кыш сыяктуу эле жыгач материалдарын да Орусия Кыргызстанга экспорттогон. Быйыл үч айда Орусия импорттук жыгачтын 77%ын камсыз кылган.

Орус медиа каражаттары эксперттер курулуш материалдарынын баасы орто эсеп менен 10-15% кымбаттай турганын эскертишкенин жазган. Баалар үй куруу үчүн негизги материалдарга суроо-талап жогору болгон июль-август айларында көтөрүлөрү болжолдонууда. Кыргызстан импортко көз каранды өлкө болгондуктан, курулуш материалдарынын дагы да кымбатташына даяр болушу керек.

Биринчи кезекте, жыгач, цемент, ошондой эле кирпич жана үйлөрдүн фасадын жасалгалоочу материалдар кымбатташы мүмкүн.

“Быйыл жыгачтын баасы чындап эле 10%га кымбаттады. Башка материалдарга келсек, алардын баары Орусиядан алынып келинбейт, бирок алардын баасы да акырындык менен өсүп жатат”, - деп билдирди “Акчабарга” Intelligent Group Development компаниясынын башкы директору Иззат Таиров.