26-27-апрелде Чүй облусунун Сокулук районундагы Кожомкул айылында Кыргызстандын тарыхында алгачкы жолу "Айдоо Фест 2025" аттуу уникалдуу фестиваль болуп өттү.

Иш-чарага өлкөнүн жети облусунан миңден ашуун катышуучу жана конок чогулуп, жер айдоо өнөрүндөгү мыкты чеберлерди аныкташты.

Финалдын жыйынтыгында жеңүүчүлөр төмөнкүдөй аныкталды:

• 1-орун: Нарын облусунан Рыскул уулу Акылбек — баш байге Lovol TE354 трактору жана Россияда өтө турган эл аралык чемпионатка катышууга Айыл Банк тарабынан берилген сертификат, ошондой эле өнөктөштөрдөн техника сатып алууга арзандатуучу сертификат алды.
• 2-орун: Баткен облусунан Мусаев Алтынбек Маматович — 1,5 тонна көтөрө турган электроцикл жана өнөктөштөрдүн арзандатуучу сертификаттары менен сыйланды.
• 3-орун: Ысык-Көл облусунан Айтбеков Мирланбек Айтбекович — 700 кг көтөрө турган электроцикл жана өнөктөштөрдөн арзандатуучу сертификат алды.
• 4–7-орундар: Ош, Чүй, Жалал-Абад жана Талас облустарынын өкүлдөрү — телевизор жана арзандатуучу сертификаттар менен сыйланышты.

Мындан сырткары, механизаторлор арасында чеберчилик боюнча өзүнчө сынак өткөрүлүп, эң мыкты айдоочуларга бакча чачкычы, смартфон, телевизор жана акчалай сертификаттар тапшырылды. Бул сынакта Леджеров Арса, Мойдунов Токтомат жана Сабаев Джумабек сыяктуу чеберлер өзгөчөлөнүштү.

Ошондой эле фестивалдын алкагында кой кыркуу боюнча сынак өтүп, жыйынтыгында жеңүүчүлөр аныкталды:

• 1-орун: Курманалиев Марат (Талас облусу) — 30 миң сом
• 2-орун: Билалов Сталбек (Чүй облусу) — 20 миң сом
• 3-орун: Ибраев Ильичбек (Ысык-Көл облусу) — 10 миң сом
• 4-орун: Төкөлдөшов Нурбек (Чүй облусу) — телевизор
• 5-орун: Жусусалиев Күмүшбек (Талас облусу) — телевизор
• 6-орун: Жыртаков Сүйүнбек (Чүй облусу) — 5 миң сом
• 7-орун: Алтынбек уулу Турат (Талас облусу) – 5 мин сом

Фестивалдын программасы айыл чарба техникаларынын жарманкесин, элдик оюндарды, балдар үчүн атайын иш-чараларды жана белгилүү эстрада ырчыларынын концерттерин камтып, конокторго чыныгы майрамдык маанай тартуулады.

Айдоо Фест 2025 — бул айыл чарба тармагындагы кесипкөйлүктү, элеттик маданиятты жана улуттук салттарды даңазалаган жаңы демилге катары тарыхта калды.

Улуттук банктын лицензиясы №048