Улуттук банк февраль айындагы жыйынында эсептик ченди 13% деңгээлинде калтырды. Муну Евразия өнүктүрүү банкы эскертет.

Жылдык инфляциянын 2024-жылдын 16-февралына карата январь айындагы 5,9%дан 5%га чейин басаңдашы негизинен бир жыл мурунку жогорку көрсөткүчтөр менен шартталган. Ошол эле учурда реалдуу эмгек акынын өсүшү жана керектөө кредиттеринин көбөйүшү менен шартталган күчтүү ички керектөө суроо-талаптары инфляциялык тобокелдиктердин бар экендигин көрсөтүп турат.

Кабыл алынган чечим инфляцияны 5-7% максаттуу диапазондо кармап турууга багытталган.