Баткен, Нарын, Талас жана Чүйдө бир катар айылдардын аталышын өзгөртүү сунушталды. Тиешелүү мыйзам долбоору коомдук талкууга чыгарылды.

Ага ылайык, Лейлектеги Карл Маркс айылы Биримдик, Эски-Оочу айылы Манас, Коммунизм айылы Ак-Арык, Ленин айылы Исхак Раззаков, Андарак айылы Ак-Таш, Кек-Таш айылы Көк-Таш, Искра айылы Сумбула деп өзгөртүлөт. Кочкор районунун Чолпон айыл аймагынын Осоавиахим айылын Молдо Кылыч, Таластагы Кара-Сай айылы Бакайыр деп, ал эми Чүйдөгү Садовое айылы Масымкан деп аталат. 

Долбоор улуттук идеологияны чыңдоого, айылдарга өткөн жана азыркы мезгилде кеңири белгилүү болгон аталыштарын кайтарып берүүгө багытталган.