Өлкөдө жер тилкелердин кызыл жана жашыл китептерин жоюу пландалууда. Бул тууралуу Жер ресурстары, кадастр, геодезия жана картография боюнча мамлекеттик агенттиктин директору Асылбек Сатыбалдиев билдирди. 

Анын айтымында, бул китептердин ордуна кадастрдык план киргизилет. Анда QR-код болуп, жер тилке тууралуу бардык маалымат камтылат. Кызыл китептер жасалмаланып, коррупциялык көрүнүштөр катталууда. 

"Мындан улам бийлик кадастрдык план киргизип, кызыл, жашыл китептерди жоюу чечимин кабыл алды", - деди чиновник.