Эмгек, социалдык камсыздоо жана миграция министрлиги бүгүнкү күндө 20дан ашык өлкөдө кыргызстандыктардын 199 диаспоралык уюму жашай турганын билдирди.

Диаспоралардын эң көп саны – 135 – КМШ өлкөлөрүндө: Россияда – 124, Казакстанда – 7, Өзбекстан, Тажикстан, Түркмөнстан жана Украинада – 1ден.

Европа өлкөлөрүндө 37 диаспора, анын ичинде Түркияда 7, Германияда 10, Италияда 9, Улуу Британия, Чехия, Голландия, Бельгия жана Бенилюкс өлкөлөрүндө 2ден, Австрия, Франция, Литва, Словакия жана Швейцарияда 1ден диаспора бар.

Дагы 13 диаспоралык уюм Азия жана Чыгыш өлкөлөрүндө – Кореяда, Японияда жана Малайзияда, Канадада 5 жана 8и АКШда жашайт.

Африка өлкөлөрүндө жана Египетте бирден гана диаспора жашайт.

Министрлик белгилегендей, мекеме диаспоралык уюмдар менен иш алып барат, анын ичинде коопсуз миграция боюнча консультациялар, юридикалык жана башка жардамдар көрсөтүлөт. Бул максатта эмгек мигранттарына консультациялык жана практикалык жардам көрсөтүүчү, анын ичинде ички иштер органдарында, сот жана мамлекеттик органдарда алардын кызыкчылыктарын коргогон эл өкүлдөрүнүн институту түзүлдү.