Жарыяланган
2025-20-03, 17:50Нарын дарыясына Казарман ГЭСтер каскадын куруу пландалууда. Энергетика министрлигинин маалыматына караганда, долбоордун алкагында жалпысынан үч ГЭС: Алабуга, Кара-Булуң ГЭС-1 жана Кара-Булуң ГЭСи курулат.
Каскаддын жалпы кубаттуулугу 912 мегаватт болуп, орточо жылдык электр энергиясын өндүрүү 3 миллиард 700 миллион киловатт-сааттан ашат деп күтүлүүдө.
Долбоорду ишке ашыруу боюнча келишимге Түркиялык компания менен кол коюлган.