Жарыяланган
2024-07-10, 10:27Ош шаарында окуучулар үчүн акысыз автобустар жүрүп баштады. Түштүк калаа мэриясынан билдиришкендей, балдарды ташуучу коомдук транспорт күнүнө 3 ирет — эртең менен, түштө жана кечкисин жүрөт.
Маалыматка ылайык, №1 автобус Исанов көчөсүнөн Салиевага чейин, №2 автобус Тээке айылынан шаар аралап Төлөйкөн айылына чейин барат.
Ал эми №3 автобус ДЭУ-21ден Курманжан Датка көчөсүнө чейин каттайт.
