2023-жылы Кыргызстанда чет элдик инвестициянын катышуусунда 4 миң 264 ишкана иштеген. Бул 2022-жылга салыштырмалуу 21,3%га көп.

Белгилеп кетсек, алардын 72%ы чет элдик капиталдын толук катышуусуна ээ.

Негизги өнөктөштөр, ишканалардын 53,8% КМШ өлкөлөрү болгон. Бул мамлекеттердин капиталынын катышуусу менен өлкөдө 2 миң 295 ишкана иштеген. КМШдан тышкаркы инвестициясы бар компаниялардын үлүшү 1 миң 969ды түзөт. Былтыркы жылы Орусия менен биргелешкен ишканалардын үлүшү басымдуулук кылып, жалпысынан 32,5%, Кытай 15,3%, Казакстан 13,8%, Түркия 9,3% түзгөн.

Ошентип, өлкөдөгү ар бир үчүнчү компания орусиялык капитал менен иштейт (1 миң 387), алардын дээрлик 75%ы толугу менен Орусиядан каржыланат. 2023-жылы орусиялык ишкерлер Кыргызстанда өз акчаларына 345, ал эми Кыргызстандагы өнөктөштөрү менен бирге дагы 26 ишкана ачкан.

Ошол эле мезгилде, республикада Кытайдын капиталы менен 77, Казакстандын капиталы менен 72 жана түрк капиталы менен 31 ишкана пайда болду.

Кошумчалай кетсек, чет өлкөлүк инвестициялары бар ишканалардын эң көбү алардын 44,7%ы дүң жана чекене соода чөйрөсүндө, 13,5%ы өнөр жайда, 9,7%ы кесиптик, илимий жана техникалык ишмердүүлүк менен алектенген уюмдарда, 5,1%ы курулуш тармагында ишмердүүлүк кылат.