15-16-майда Бишкек шаары жана Чүй облусундагы айрым көчөлөргө маал-маалы менен чектөөлөр киргизилет. Мунун себеби Малайзиянын премьер-министринин Кыргызстанга иш сапары менен байланыштуу экенин Жол кыймылынын коопсуздугун камсыздоо башкы башкармалыгынан билдиришти.

Ага ылайык:

• "Манас" эл аралык аэропорт жолунан Бишкек шаарынын чегине чейин;
• Фучик көчөсү Бишкек шаарынын чегинен тартып, Жибек-Жолу көчөсүнө чейин;
• Жибек-Жолу көчөсү Фучик көчөсүнөн тартып, чыгышты карай Манас проспектисине чейин;
• Манас жана Ч.Айтматов көчөлөрү түштүктү карай, "Ала-Арча" мамлекеттик резиденциясына чейинки бөлүгү;
• "Ала-Арча" мамлекеттик резиденциясынан тартып, "Ата-Бейит" мемориалдык комплексине чейинки жолго да убактылуу чектөөлөр киргизилет.