2024-жылдын экинчи чейрегинде мурунку жылдын ушул мезгилине салыштырмалуу соода көлөмү боюнча өсүштүн лидерлери Армения менен Кыргызстандын биржасы болду. Бул тууралуу Евразия экономикалык комиссиясынын баяндамасында айтылат.

Маалыматка ылайык, Казакстандын биржасы “Astana International Exchange” (AIX) соода көлөмүн 3,3 эсеге көбөйткөн. Евразия экономикалык биримдигинин башка мамлекеттеринин фондулук рыноктору орточо өсүштү көрсөттү.

“Товардык биржа Евразиялык соода системасы” ААКсын (Казакстан) кошпогондо, товардык биржаларда да соода көлөмүнүн өсүшү байкалган. Нефть продуктыларына баалардын индекси өскөн, ал эми айыл чарба продукциясынын ар кандай түрлөрүнө баа динамикасы көп багыттуу бойдон калган.