Кыргызстанда мүлктү милдеттүү камсыздандыруу системасын ишке киргизүү сунушталууда. Тиешелүү мыйзамга өзгөртүүлөр камтылган документти Каржы рыногун жөнгө салуу жана көзөмөлдөө кызматы коомдук талкууга чыгарды.

Анда жарандарды милдеттүү камсыздандыруу полистерин сатып алууга түрткү берүүчү кыйыр механизмдерди колдонуу зарылдыгы белгиленген. Тактап айтканда, кыймылсыз мүлктү каттоо, күрөөгө коюу үчүн камсыздандыруу полисин талап кылуу каралууда.

Өлкөдө 7 миллион 600 миңден ашык турак жай бар. Бийлик анын жок дегенде 60 пайызын камсыздандырууну көздөп жатат.