Жарандар 1-сентябрга чейин бир катар мүлк салыктарын төлөшү керек. Бул тууралуу Мамлекеттик салык кызматы билдирди.

Көрсөтүлгөн мөөнөткө чейин төмөнкүлөрдү төлөө керек:

• транспорт каражатына салык,
• турак үй, батирге салык (ишкердик иш үчүн пайдаланылбаган),
• үй жанындагы, короо-жай жанындагы жана бак-чарба жер тилкелерине салык.

Өз убагында төлөбөгөн учурда жеке жактарга 1000 сом, юридикалык жактарга 5000 сом өлчөмүндөгү айып пул каралган. Ошондой эле, ар бир кечиктирилген күн үчүн карыздын суммасына 0,09% өлчөмүндө туум кошулат.