"Айыл чарбасын каржылоо-13" долбоору боюнча жыл башынан бери дыйкан-фермерлерге жалпы 2 млрд 145,6 млн сомго 3512 жеңилдетилген насыя берилди. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди. 

Насыялар "Айыл Банк" жана "Элдик Банк" аркылуу "Өсүмдүк өстүрүү", "Мал чарбачылык", "Сууну үнөмдөөчү технологиялары" жана "Лизинг" багыттары боюнча берилген. 

Анын ичинен "Өсүмдүк өстүрүү" багыты боюнча жалпы 321,8 млн сомго 666 насыя берилди:

• "Айыл Банк" – 169 млн 617 миң сомго 360 насыя;
• "Элдик Банк" – 151 млн 460 миң сомго 306 насыя.

"Мал чарбачылык" боюнча 1 млрд 713,3 млн сомго 2785 насыя:

• "Айыл Банк" – 814 млн 376 миң сомго 1315 насыя;
• "Элдик Банк" – 898 млн 953  миң сомго 1470 насыя.

"Сууну үнөмдөөчү технологиялары" боюнча 12,7 млн сомго 15 насыя:

• "Айыл Банк" – 10 млн 200 миң сомго 12 насыя;
• "Элдик Банк" – 2 млн 500  миң сомго 3 насыя.

"Лизинг" боюнча жалпы 98,5 млн сомго 46 насыя:

• "Айыл Банк" – 48 млн сомго 24 насыя;
• "Элдик Банк" – 50 млн 461  миң сомго 22 насыя.