"Азия Банкы" ЖАК 1-чыгарылыштагы (KG 0201105119) 8 пайыздык мезгилге социалдык гендердик облигациялар боюнча кирешелерди төлөй баштады. Бул тууралуу Кыргыз фондулук биржасы билдирди.

Облигациялардын кирешелүүлүгү жылдык 12%, ал эми номиналдык баасы 1 миң сомду түзөт. Төлөмдөр 2024-жылдын 18-ноябрынан 30-ноябрына чейин банктын Бишкектеги башкы кеңсесинде улуттук валютада накталай же банктык которуу жолу менен жүргүзүлөт.

Эске салсак, "Азия Банкы" 2022-жылдын 19-ноябрында Аялдардын ишкердик күнүн утурлай Кыргыз фондулук биржасында гендердик облигациялардын соодасын ачкан. Ар бири 1 миң сомдон 82 миң нусканы түздү. Төлөө мөөнөтү үч жыл, ал эми купондук чен 12%. Сунуштун өзгөчөлүгү бул Кыргызстандын тарыхында гендердик облигациялардын биринчи чыгарылышында.