Жалал-Абад облусундагы Көк-Арт ашуусу аркылуу өтө турган туннелдин курулушу 1-декабрда аяктайт. Бул тууралуу Унаа жана жолдор министрлигинен билдиришти. 

Маалыматка ылайык, объекттин узундугу 3 миң 890 метр, туурасы 10,5 жана айрым участоктордун кеңдиги 14 метр, ал эми бийиктиги 8,5 метрди түзөт.

Бүгүнкү күндө туннелдеги жолго асфальт-бетон төшөө иштери жыйынтыкталууда. Жарык берүүчү жана желдетүүчү турбиналарды коюу аяктап, электр кабелдерин орнотуунун акыркы этабы жүргүзүлүп жатат. 

Жакын арада жол чийиндери түшүрүлөт.