Жарыяланган
2024-09-12, 10:42Кыргызстанда медицина багытында мыйзамсыз иш алып баргандарга жоопкерчилик күчөтүлдү. Тиешелүү мыйзам долбооруна президент Садыр Жапаров кол койду.
Ага ылайык, элдик медицина менен мыйзамсыз алектенгендер, дары-дармекти, медициналык буюмдарды мыйзамсыз өндүргөн жана саткандар үчүн жаза катаалдады.
"Медициналык манипуляциялар, анын ичинде адамдын организмине таасир тийгизген жана дары-дармек каражаттарын жана медициналык буюмдарды мыйзамсыз клиникалык изилдөөлөр үчүн айып пулдун суммасын 500 миң сомдон 1 млн.сомго чейин жогорулатуу каралган", - деп жазылган маалыматта.
Документти Жогорку Кеңеш 17-октябрда кабыл алган.
