"Кыргызстандын улуттук электр тармактары" ишканасынын филиалы – "Талас электр тармактар ​​ишканасы" Манас, Бакай-Ата, Айтматов жана Талас райондоруна 36 миң 742 акылдуу эсептегичтерди орното баштады.

Талас районунун тургундары үчүн 10 миң 842 эсептегич, Манас районуна 5 миң 600, Бакай-Ата районуна 7 миң 800, Айтматов районуна 12,5 миң акылдуу эсептегич орнотулат. Бул чара электр энергиясын керектөө боюнча так маалыматтарды алууга жана чыгымдарды башкарууга жардам берет.

2024-жылы Таласта 6 миң 92 акылдуу эсептегич орнотулган.

Белгиленгендей, жаңы акылдуу эсептегичтер техникалык жана коммерциялык жоготууларды азайтууга, электр менен камсыздоонун сапатын жакшыртууга жана керектөөчүлөр үчүн жакшы шарттарды түзүүгө жардам берет.