«Демир Кыргыз Интернешнл Банк» ЖАК (DKIB) Кыргыз Республикасындагы биринчи эл аралык коммерциялык банк болуп саналат.

Банк 1997-жылы 2-майда Кыргыз Республикасынын мыйзамдарына ылайык Бишкекте 3 000 000 АКШ доллары (болжол менен 54 миллион сом) уставдык капиталы менен түзүлгөн жана банк ишин жүргүзүү үчүн бардык зарыл лицензияларды алган. Банктын расмий ачылыш аземи 1997-жылдын 28-майында өткөн.

Демир Кыргыз Эл аралык Банкынын түптөлүшү маанилүү окуя болгон, анткени ал уставдык капиталы 100% чет элдик инвестициядан турган биринчи коммерциялык банк болуп калды. Өзүнүн калыптануу мезгилинде “Демир Банк” бир топ татаал жолду басып өттү: 1998-жылдагы орус кризисинен, 2000-жылдагы түрк кризисинен аман өттү, бардык кыйынчылыктарга карабастан, Кыргызстандын банк рыногундагы позициясын жоготкон жок.

Бүгүнкү күндө “Демир Кыргыз Интернэшнл Банкы” банктык кызматтар рыногунда олуттуу натыйжаларга жетишкен заманбап каржы институту жана учурда активдери, капиталы жана кирешеси боюнча Кыргызстандагы эң мыкты беш коммерциялык банкынын катарына кирет. Банк жалпысынан Кыргызстандын экономикасын жана анын ичинде банк секторун өнүктүрүүгө олуттуу салым кошуп, өлкөнүн банк тутумунун абалын жакшыртууга чоң таасирин тийгизет.

Мындан тышкары, Банк өлкөнүн коомдук турмушуна катышууга өзгөчө басым жасайт. DKIB Кыргызстандын Эл аралык Ишкерлер Кеңеши (ЭИК), Кыргызстандын Банктар Ассоциациясы, Ротари Клуб жана KITIAD (Кыргыз-Түрк Ишкерлер Коому) сыяктуу түрдүү уюмдардын, ассоциациялардын жана төлөм системаларынын мүчөсү.