Жарыяланган
2025-13-03, 12:58Кыргызстан менен Тажикстандын мамлекеттик чек арасы жөнүндөгү келишимге кол коюлгандан кийин Лейлек районундагы “Кайрагач” жана Баткен районундагы “Кызыл-Бел” чек ара көзөмөл өткөрүү бекети ачылды.
Төрт жылдан бери жабык турган чек ара бекеттеринин ачылышына президенттер Садыр Жапаров менен Эмомали Рахмон онлайн форматта күбө болушту.
Эске салсак, эки мамлекеттин чек арасы 2021-жылы май айында болгон биринчи чек ара кагылышынан кийин жабылган.
Маалым болгондой, “Кызыл-Бел” өткөрмө бекети эл аралык деңгээлде, ал эми “Кайрагач” бекети эки тараптуу болуп ачылат. Кыргыз-тажик чек арасындагы калган бекеттерди ачуу этап-этабы менен жүргүзүлөт.
